من فضلك بليز ارجع يا ريس

موضوع: من فضلك بليز ارجع يا ريس 2011-03-22, 12:20

الشعب يريد عودة السيد الرئيس لهذه الاسباب:-

1- ارجع يا ريس عشان نعرف نقول عيد مبارك

2- ارجع يا ريس مش لاقيين اسم لمحطة رمسيس فى المترو

3- ارجع يا ريس تقريبا نسيت نور الصالون فى القصر مفتوح

4- ارجع لحسن شكلك حيبقى وحش قدام السادات وناصر لما يسألوك مشيت ازاى تقولهم ايه فيس بوك؟؟

5- ارجع يا ريس وحشنا ابنك جمال

6- ارجع يا ريس عشان ننزل التحرير تانى وناكل كنتاكى

7- ارجع يا ريس بقوا يطبخوا على الفحم فى اسرائيل

8- طب ارجع يا ريس واللى اتفرم يتصلح

9- ارجع يا ريس شارع صلاح سالم بقالوا كتير مابيوقفش

10-ارجع يا ريس دكاتره الضغط والسكر والقلب مش لاقيين شغل

11- طب ارجع عشان تامر حسنى او تامر امين ولا حتى تامر عاشور

12- ارجع يا ريس انا بقيت اتكلم فى السياسه براحتى

13- ارحمنا وارجع بقى مين اللى حيغير اسم 620 الف مشروع ومدرسه بأسم معاليك؟؟

14- ارجع يا ريس الحقنا شكلنا حيبقى من الدول المتقدمه

15-أرجع بقى ده حتى هاله سرحان رجعت يرضيك كده يعنى؟؟

16- يا ريس ارجع انا خايف رغيف العيش يكبر وانا ناوى اعمل دايت بصراحه واتعودت على العيش بالمسامير والظلط والامواس

17- ارجع بجد دلوقتى لما مبيعجبناش وزير بيتغير المسئولين اتبهدلوا من بعدك يا كبيـــــر

18- ارجع يا ريس الاخوان بقوا يطلعوا فى التليفزيون الحكومى

19- طيب بص بلاش ترجع انت بس جمال وعلاء ضرورى يرجعوا قبل رمضان حنعمل الدوره الرمضانيه ازاى من غيرهم

لهذه الاسباب الشعب يريد عودة الرئيس

وشــــــــــــــكرا

موضوع: رد: من فضلك بليز ارجع يا ريس 2011-03-22, 12:33

ههههههههههههههههههههههههههههههههههههههههههههههههههههههههههههههههههههه