بعض كلام المصريين علي اكبر حراميا بالبلد

*** هشام طلعت مصطفى يوقع عقد زنزانتي مع أحمد المغربي في مكتب مأمور سجن طره

و بهذه المناسبه صرح السيد أحمد عز بتبرعه بـــ طن حديد لكل مسجون
لبناء مشروع ابنى سجنك.


*** النائب العام يبقى إبن خالة وزير الداخلية محمود وجدي ..
و زوجة أحمد شفيق تبقى عمة خديجة مرات جمال مبارك ..
و إبن الفريق أحمد فاضل رئيس قناة السويس متجوز بنت عمر سليمان
ومرات حبيب العادلى تبقى طليقة أشرف السعدى صاحب شركات السعد لتوظيف الأموال
لكي... الله يا مصر.

*** الرئيس أوباما وهو في مصر قابل واحد شحات قاله لله يا بيه

فلما وصل امريكا إفتكر الشحات . . فبعتله مليون دولار . . وقال لحسني مبارك إديهم للشحات
فحسني نادي على أحمد نظيف وقاله "النص مليون"دول للشحات
نظيف اتصل بالمحافظ وقاله "المائة الف جنيه" دول للشحات
.........المحافظ نادي لرئيس الحي وقاله "الألف جنيه" دي اديها للشحات
رئيس الحي نادي للشحات وقاله
أوباما بيقولك الله يسهلك

*** إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ.

*** واخيراا ( قسم الوظائف بمصر)

عاجل : فرصـــــة عمــــل رائعــــــة .. مطلــــــوب رئيـــس جمهوريـــــة لبلــــد تطـــــل علـــى بحــــرين مباشــــرة على ناصيتيـــــن و نيـــــل فـــــي النـــــص استعمــــال طيـــــار المرتب مجزي جدااااااا بس بدون سرقه .


يا جماعه
سؤال : مهم جداً
__________________

لما احنا فى اجازة نص السنة..
......وشيلنا مبارك وغيرنا النظام..
والجيش نزل..
وضربنا بلطجية..
......... واتضربنا بالرصاص..
وحرقنا عربيات امن مركزى..
ومدرعات ونزلنا نضفنا الشارع..
امال هنعمل ايه فى الاجازة الكبيرة؟


مصر امانه بين ايدينا