الاسيوطى وسام الابداع
عدد المساهمات : 411 نقاط : 1332 السٌّمعَة : 1 تاريخ التسجيل : 20/10/2010
| موضوع: صفحة جديدة. 2011-02-22, 12:26 | |
| هو البلد حالها واقف ليه؟؟ دلوقتي في ناس نزلت عملت مظاهرة وقامت بدورها وخلاص وناس مانزلتش من الاول وكانت بتشجع من بعيد وناس لسة في الميدان لحد انهاردة
...سيبك من اللي في اخر سطر... خلينا في الاتنين الاوائل، قاعدين يقولوا ننزل ننضف البلد، وننزل نوزع ورق مكتوب عليه بنحب مصر... وكدا طيب ما تيجو نعمل حاجة لطيفة اوي؟ تبقى زي مظاهرة وسطية، او حركة ايجابية، او اي حاجة ومش مهم الاسماء. المهم... تيجو كل واحد مننا ينزل يروح شغله؟؟؟ تيجي نعمل بعد جمعة الرحيل وجمعة الصمود.. نعمل (أحد العمل) ؟
يوم الحد كل واحد ينزل محله، ويبيع للمصريين اللي محتاجينه. ينزل شركته، ويقدم للمصريين الخدمات المطلوبة. يفتح ورشته، وينتج للمصريين الحاجات اللي محتاجينها. يشغل التاكسي بتاعه، ويودي كل مصري لمكان عمله. ويفتح مطعمه ويأكل كل مصري شغال او حتي واقف في الميدان ومحتاج يتغذي.
هو احنا هانفضل نقول جمعة الرحيل وجمعة الصمود وجمعة الانتظار وشكلنا حانفضل قاعدين لغاية الانتخابات في سبتمبر! طب ومصر؟؟ الميدان في قمة التظاهر لم يتجاوز عدد المتظاهرين المليون. طيب والسبعة وتمانين مليون التانيين بيعملوا ايه؟ مش عايزينكم تتظاهروا ومش بنقول التظاهر حلو او وحش، بنقول مابتاكلوش عيش وتألكلونا معاكم ليه؟ يعني ايه مظاهرة في التحرير يقوم فرن العيش يقفل في العباسية ويقولك البلد واقفة؟؟؟ تعالوا نكون ايجابيين بجد وننزل نشتغل بعد ما كنسنا الميدان وطفينا الحرايق وحرسنا الشوارع، انه وقت العمل! | |
|