منتدى السراطنية
اهلا بك فى منتدى السراطنيه المتواضع يسعدنا جدااا تسجيلك فى المنتدى اذا كنت غير مسجل وان كنت مسجل لدينا فقم بالدخول لترى كل ماهو جديد ونتمنى لك المتعه والفائده والسعاده من منتدى السراطنيه
مع تحيات كامل طاقم الاداره
ومدير المنتدى : محمود مراد عبدالحفيظ


نحن لا ندعى التميز ولكن نسعى لنكون المتميزون
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
أفضل 10 أعضاء في هذا المنتدى
Admin - 946
 
احمد محمد العتعوتى - 450
 
الاسيوطى - 411
 
محمد مراد عبدالحفيظ - 367
 
ميادة - 219
 
الكابتن ميدو - 180
 
بنت الاسلام - 148
 
الفرعون - 135
 
مى - 128
 
الملك - 106
 
بحـث
 
 

نتائج البحث
 
Rechercher بحث متقدم
المواضيع الأخيرة
التبادل الاعلاني
 
 
 

شاطر | 
 

  (تعالو شوفو اول مره دخلت فيها المطبخ عملت ايه) ههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اشرف حسين
عضو مميز
عضو مميز
avatar

ما رايك فى المنتدى ما رايك فى المنتدى : الرفشة
عدد المساهمات : 60
نقاط : 175
السٌّمعَة : 49
تاريخ التسجيل : 30/12/2010
العمر : 22

مُساهمةموضوع: (تعالو شوفو اول مره دخلت فيها المطبخ عملت ايه) ههههههههه    2011-03-13, 11:05

السلام عليكم ورحمة الله وبركاته


اذيكم يااحلى اخوات

كل عام وانتم بالف خير

انا كنت بكلم واحده صحبتى النهارده على الموبايل

وجات سيرة المطبخ والاكل


أن أن أن أاااااااااااااااا


وخير اللهم اجعله خير


افتكرت اول مره دخلت فيها المطبخ


وطبعا محسوبتكوا قعدت تفتكر اليوم الأسود اللى

فكرت فيه تدخل المطبخ

والبلاوى اللى حصلت يومها

وده كان فعلا اول مرة ادخله او بمعنى اصح

اعمل اكل

لانى اكيد دخلت كتير قبل كده مطبخنا العزيز وده

ل3 أسباب

1-أشرب ميا

2-أقلى بيض

3-أعمل كوباية شاى

المهم هحكيلكوا على مواقفى اللى حصلت فى اليوم ده وفى الأيام اللى فكرت انى اكرر نفس العملية المهببة دى




1-أول مرة فكرت أطبخ فيها

كانت ماما فى شغلها والاماكنتش عتبت باب المطبخ

دخلت كده استكشف فلقيت بامية وفراخ وارز

قلت فرصة أول مرة بقى أجرب واطبخ

واعملها مفجأه لمامتى حبيبتى

وياريتنى ماستكشفت

جبت البامية زى الباشا كده وقمعتها

أو بمعنى أصح فرتكتها
هههههههههههههه


طبعا الطبيعى اللى فهمته فيما بعد ان البامياية بتتقمع من فوق على شكل مثلث كده


أكيد انتوا فاهمين

لكن انا طبعا استسهلت وشلت الراس كلها
بقت البامياية عبارة عن قرطاس لونه أخضر


المهم خلصنا من موضوع التقميع طبعا جيت أغسل البامية حسيت انها بتلزق كده
فغسلتها بمية سخنة نااااااااااااار

لحد مالبامية نطقت وقالتلى ارحمينى

ههههههههه


طبعا بقى جت مرحلة الصلصة

وطلعت الخلاط وهوب رميت جواه الطماطم

والبصل والملح والفلفل

وحطيت شوية خل عشان الظفلطة بتاعة البايمة تروح خالص

وبزكائى عصرت لمونتين
اللى هما بيتعصروا لما بنيجى ناكل
بس انا عصرتهم بدرى بدرى

ههههههههههههههه
وكل ده اتضرب فى الخلاط


وجبت اكبر حلة عندنا

وعالنار عدل ومن غير زيت ولا سمن حطيت

الصلصة العظيمة بتاعتى

وفوقيها البامية


واه نسيت اقوللكوا انى حطيت توم بس مش فص ولا اتنين

لأاااااااااااااااااااااا

حطيت راس ااااااااااد كده

قلت تديلها طعم

هههههههههههههههه

طبعا بدون شرح مش محتاجين أقوللكوا على المنظر بعد ماستوت



مابقتش طبخة بامية

بقت شوربة بامية

وياريت شوربة ليها طعم

وانتهى مصير حلة البامية فى الزبالة المسكينة

وأكيد عمو الزبال دعا عليا يوميها
*
*
قمت دخلت على الارز ده بقا كنت استاذه وانا بعمله

قال يعنى البت عملته قبل كدا

المهم غسلته وحطيته فى الحله وحمرته وبعدين غرقته كله بالميه لحد ماالحله اتملت ميه

وهنا الميه تخلص عشان اطفى عليه

وهى مش راضيه ابدااااااااا

لحد ما لقيت حلت الارز عباره عن عجين

وكان مصيرها ايضا صندوق الزباله جنب اختها الباميه


اما الفراخ بقا هى الوحيده اللى طلعت كويسه

بس لحد لما جيت احمرها

لانها اتحرقت منى وانا بحمرها


ودى كانت قصة البامية والارز والفراخ

وعدت الحكايه من غير اى تعليق من ماما

وبدون فقدان أعضائى البشرية لانها حاجة بسيطة وادينى بتعلم




نيجى بقى للحلو
اه ماحنا لازم نحلى مش هناكل ونركن على جمب



فى يوم تانى برضو

وبرضو ماما كانت برا البيت

كنت قاعدة بتفرج على التليفزيون وواحدة بتعمل كيكة باللوز

وانا عارفة ان عندنا لوز كتير

فقمت زى

الشاطرة وكتبت الطريقة

لكن مكتبتهاش زى الناس

لااااااااااا

كتبت المكونات ومكتبتش المقادير

اعتقادا منى انى هعملها كده بمجرد النظر

قال يعنى البت طباخة

ههههههههههههه

المهم قمت جرى عالمطبخ ودلقت الدقيق على السكر وطحنت اللوز

ومش اخد شوية كده وخلاص

لاأأأأأأأأأأأأأأأأ

خدت كل اللوز اللى كان عندنا

المهم قعدت اعجن اعجن

لغاية ماحسيت ان فى امل ان دى تطلع كيكة فى الاخر

وقمت جايبة صينية

ودهنتها زيت

وبعدين قلت مانا كده هاحط العجينة هتتزحلق من عالزيت

ومش هتستوى وهاتبقى تقيلة

قمت رشيت فوق الزيت شوية دقيق

وبعدين قلت ماهو كده الدقيق اللى فى القعر ده

مش معجون يعنى مش هيستوى وهايبقى قعر
الكيكة أبيض


قمت حطيت كمان شوية زيت

لغاية ماعملت بطانة بالعجينة تحت العجينة بتاعة الكيك

ههههههههههههه

وهووووووووووووووووب عالفرن
وسبتها حوالى ساعة الا ربع

وجاءت اللحظة الحاسمة

وطلعتها وياريتنى مطلعتها


كويس ان البوتاجاز مانفجرش فى وشى سعتها


جيت ادخل السكينة عشان اقطع الكيك واكل بقى

عمايل ايديا وحيات عنيا





لقيت السكينة مبتدخلش

فضلت ازققققققققققققق

مافيش فايده

السكينة مبتعديش جوا الكيك

وبعد محاولات عنيفة قطعت الكيكة والحمد لله

وهنا بقى جت ست الحبايب ماما

لقت الشقة مدخنة

وريحتها غريبة

ودخلت عالمطبخ لقيتنى ماسكة قطعة الكيك

وعمالة اخبطها فى الرخامة عشان تتقطع

هههههههههههه

مانا بحاول اكلها ومش عارفة

ماما بقا شافت المنظرده وانا لاحظت عليها الغضب

وانا قلت عليه العوض ومنه العوض يا عباس

وهوب فضلت اجرى وماما تجرى ورايا فى الشقه

هههههههههه


بس انا لحد دلوقتى مش عارفه هى كانت بتجرى ورايا ليه
ههههههههه




وبكده اكون خلصت قصتى العظيمه مع المطبخ

وطبعا بعدها اتعمللى حظر تجول وممنوع منعا

باتا ادخل اجرب اى حاجة فى المطبخ

والا

هههههههههه


على فكره ياجماعه الكلام ده وانا فى اولى اعدادى والله يعنى كنت لسه صغيره

انا دلوقتى استاذه مطبخ فعلا مفيش منى اتنين

شوفتو التواضع

ههههههههههههههههه



أكيد انتوا كمان ليكوا مواقف مع اول يوم طبختوا فيه ياريت تحكولنا؟

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
(تعالو شوفو اول مره دخلت فيها المطبخ عملت ايه) ههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى السراطنية :: المنتدى العام-
انتقل الى: