كفاية يامصريين

موضوع: كفاية يامصريين 2011-02-21, 04:38

يامصريين ياوطنيين ويامؤيدين ومعارضين
اهدوا شويه وافهموا بقى ليه كل واحد يعارض كلام التانى
يبقى خاين وكل اللى يقول رايه يبقى عميل
انا عايزه افهم لمصلحه مين كله بيتخانق مع كله
ولغينا ليه الخلاف فى الراى لا يفسد للود قضيه
كلكم بقيتوا بتتهموا بعض انكم عملاء عشان بتختلفوا
والمشكله ان كلكم خايفين على مصلحه مصر والمصريين
انا بدعوكم بصفتى مصريه تهدوا شويه وتفكروا فى كل اللى بيحصل
بلاش اندفاع ورا شعارات وبقيتوا تايهين وكلوا يقول للتانى انت مش فاهم
التانى يتهمه انه غبى ومش فاهم ولو قعد يفهمه يقوله انت عميل وخاين
هو ايه اللى حصل لكل ده ايه اللى جرالكوا ساكتين تلاتين سنه وفجاه
كله بقى فاهم سياسه خلاص كلكوا بقيتوا وطنيينى وكلكوا بقيتوا بتتهموا بعض بالخيانه
بجد حزينه على اللى بيحصل وحزينه على كل حاجه مصر هتفضل برئيسها هتفضل
ياريت تهدوا واللى فى الشارع يهدوا ويبطلوا خناقات واللى فى الفيس يهدوا ويبطلوا خناق
بالمصريين المخلصين هتفضل مصر لنا ياقوم
حسبى الله ونعم الوكيل فى كل خرب ومشيع للفتنه
حسبى الله ونعم الوكيل فى كل عدو لينا اذا كان مننا او مش مننا
مصر ستظل وستبقى عاليه على مر الزمان
ادخلوها بسلام امنين